"WALA na bang ibibilis 'to, kas?" tanong ni Ethan kina Calix at Allen na siyang nagsasagwan ng bangkang sinasakyan nila.
Gusto sana ni Ethan na siya naman ang magmaniobra ng bangka. Marunong din naman siya kahit papaano. Nakikita niya kasi na pareho nang pagod ang mga pinsan niya dahil sa pakikipagbaka sa mga alon na nagsisimula nang lumakas nang mga oras na iyon at sumasalubong sa kanila.
Nawili sila sa pamamasyal sa isla kaya hindi nila namalayan ang oras. Inabutan na sila ng high tide bago pa man sila makaalis. Ang sabi naman kasi ng tiyuhin ni Ethan na siyang mas nakakaalam sa lugar na iyon, hindi na raw basta-basta tumataas ang tubig na tulad nang dati. Kaya nagtiwala sila.
"Mahirap salubungin ang mga alon, kas," sagot ni Calix. "Pero makalagpas lang tayo sa lugar na ito, sigura
