"Papano ko 'to sasabihin kay Lola? Papano ko sasabihin na kasal na tayo? Na uminom ako kagabi kahit sabi n'yang huwag akong iinom tapos may nangyari satin kaya pinakasalan mo ako. Tiyak na magagalit yon sakin," tila namomroblema na anas ni Danica. Kasalukuyan silang nasa isang kubo sa Hacienda habang pinapanood ang mga tauhan na abala sa pag-aani ng gulay at prutas doon.
"Ako na ang bahala doon, baby. Ako na ang makikipag-usap kay Lola at ako na ang bahalang magpaliwanag sa kanya," anas n'ya bago hinarap ito. "At huwag mong isipin na kaya lang kita pinakasalan ay dahil may nangyari sa atin at kailangan kitang panagutan. Pinakasalan kita dahil iyon ang gusto ko at hindi ako napipilitan ng ginawa ko 'yon. At dadating ang panahon na ikakasal din tayo sa simbahan. Pero bago mangyari iyon, kai
