Austeja
What Zigger did saved me from the trouble of explaining everything, not just to my mother but to his parents as well.
Parang nawala ang mabigat na nakadagan sa dibdib ko na matagal nang nandito. Pati iyong pananakit ng kalamnan ko ay bigla na lamang din naglaho nang dahil sa ginawa niya.
Naging magaan ang pakiramdam ko. At sa tingin ko, tama lang itong ginawa niyang ipaalam na sa kanila ang lahat. Sa ganito rin naman kami pupunta. Kung ako lang kasi, siguradong tatagal pa bago ko maamin ang lahat. Pangungunahan kaagad ako ng takot, at kung anu-ano ang papasok na negatibong bagay sa isipan ko.
I'm glad Zigger isn't afraid to voice everything out. Kung hindi ko lang siguro siya pinipigilan noon, ginawa na niya ang ganito.
Wala naman akong nakitang pagtutol sa mga magulang niya.
