Austeja
There were so many questions left in my mind when Zigger left the room. Nabuo ang mga iyon noong makaalis na siya. Masyado siguro akong nadala sa mga sinabi niya kaya hindi kaagad na nag-function ang utak ko.
Sinubukan ko siyang habulin sana para mailabas ang mga tanong ko, subalit pagdating ko sa ground floor, nadatnan ko na siyang kausap ang daddy niya sa may sala. Naroon na rin si Mama at Tita Elizabeth kaya hindi na ako nangahas pa na lapitan siya.
Hindi na rin naman niya ako nilapitan buong maghapon. Inilaan niya ang buong oras niya sa mga bata, na pati si Mama ay nagtaka sa kung bakit ganoon na kaagad kalapit sa kanya ang dalawa. Nagkunwari na lang ako na walang alam.
Kinagabihan naman ay hindi pa rin ako nabigyan ng pagkakataon na muli siyang makausap. After dinner, nagp
