Austeja
"Kamron..." usal ko nang ihinto nito ang sasakyan sa basement parking ng building.
Hindi ko alam kung ano ang iniisip ko at pumayag ako noong alukin niya akong sumama sa kanya sa tinitirahan niya.
Iniwan ko ang trabaho ko sa club para rito.
Siguro dahil gusto ko nang ipangalandakan kay Zigger na ayoko na sa kanya? Alam kong pinababantayan niya ako. Ilang araw na--simula noong umalis siya.
Si Kamron mismo ang nagsabi sa akin ng bagay na iyon dahil kilala niya ang mga tauhan ng pinsan. Ilang araw ko na rin namang nararamdaman na may mga matang nakatingin sa akin kahit saan, at hindi ako komportable. Kahit sa pag-uwi ko sa bahay ay halatang may nakasunod.
Itinigil ko naman na iyong unang plano namin ni Kamron dahil nabahala ako nang todo roon sa pagbabantang iniwan ni Zigger. It
