Mahigpit na yakap ang binigay niya sa mga magulang at kapatid nang dumating ito sa mansyon ni Austin. Sobrang miss niya ang kanyang pamilya, kaya naman halos maiyak siya nang makita ang mga ito. Kung pwede nga lang na huwag na siyang bumitaw sa pagkakayakap niya sa mga ito eh.
"Buti at nakapasyal kayo ni Sir Austin dito sa asyenda," maluha-luhang sabi ng nanay niya.
"Ngayon lang po kasi nagkaroon ng oras si Austin na makapasyal. Sobrang busy po kasi niya sa trabaho sa San Ignacio," paliwanag niya. Iyon naman lagi ang sinasabi niya sa mga magulang tuwing nakakausap niya ang mga ito. Para na rin hindi magdamdam ang mga ito. Wala naman kasing idea ang mga ito na peke lang ang kasal nila ni Austin.
"Kumain na po muna tayo, habang mainit pa ang mga pagkain sa mesa," anyaya naman ni Austin s
