Nasa harapan na niya ngayon si Austin Leonardo. Tagumpay ang plano niya na makaharap ito. At napatunayan niyang babaero nga ito at hayok sa laman.
Makailang beses na siyang nagtungo sa mansyon para sana kausapin si Austin. Nais niya itong makausap para mapaliwanagan ito sa mga posibleng pwedeng mangyari sa mga trabahador sa asyenda pag tinuloy nito ang planong pagsasara ng asyenda. Ngunit hindi man siya binibigyan ng pagkakataon ni Austin na kausapin siya o harapin man lang. Kaya naman ginugol niya ang panahon niya para manmanan ang lalake at maisagawa ang kanyang plano. At heto nga kumagat ito.
Sakay ang isa sa mga kabayo ng asyenda patago niyang sinundan ang sinasakyan ni Austin at ng kasama nito. Umayon naman sa kanya ang pagkakataon. Dahil sa may tuktok pumuwesto si Austin at kasama
