Tamad akong nakatingin sa telebisyon na naka-mute ngayon habang hinihintay ang kapatid ko na makabalik sa harapan ng laptop niya. Nagpaalam siya saglit nang may tumawag sa kanya. Wala pa nga kaming napag-uusapan at hindi ko pa nalalaman ang dahilan niya kung bakit bigla na lamang siyang tumawag ng ganitong oras, eh.
Pero siyempre, may hula na ako. Siguro ay nasabi na sa kanya ng mga magulang namin ang tungkol sa plano ko. Ilang beses ko na din kasing nakita ang mga missed calls niya sa phone at sa messaging app ko na hindi ko pinapansin. Ngayon pa lang talaga niya ako na-tsempuhan.
Sinulyapan ko ng tingin ang screen ng laptop na nasa center table nang magsalita ang kapatid ko mula do'n. Inip ko siyang pinanood habang inaayos ang sarili.
"So, how are you?" Nakangiti niyang tanong mula s
