PIGIL-hininga ang ginawa ni Elaine habang pababa siya ng golf cart na sinakyan niya patungo sa kaniyang pansamantalang ookupahing single-detached dwelling. Ang buong akala niya ay sa rental cottages siya patutuloyin tulad ng ibang mga turistang nagpupunta roon. Pero sa halip ay sa nag-iisang detached house sa Haven Paradise ang in-offer sa kaniya ng management ng Resort. Animo tumigil ang pag-inog ng mundo nang mapagmasdan ang bahay. It was the same as before. Ganoon pa rin ang anyo ng labas ng bahay noong unang apak niya roon. May kung tila kumurot sa puso niya sa isiping pinaparentahan din ang detached house na iyon.
Iba na ang may-ari ng Resort, lalong gumanda ang lugar, dumami ang mga dumarayong mayayamang bakasyonista. Isa lang ang hindi binago, ang bahay na tinuluyan niya noon nang
