CHAPTER 51
TAINTED
SA LABAS pa lamang ng kabahayan ay dinig na ni Leia ang malakas at magulong tugtog mula sa loob ng isang bungalow house.
Napailing na lamang si Leia at nagpatuloy sa ginagawang pagbabasa. Nakasanayan na niyang sa may balkon ng bahay siya gumagawa ng mga homework tuwing Sabado. Gusto niya ang sariwa at malamig na hanging galing sa kakahuyan kaya gustong gusto niya ang bahaging iyon ng bahay.
Malapit kasi sa paanan ng bundok at kakahuyan ang kanilang bahay kaya naman sariwa ang hangin, tahimik at malayu-layo sa ingay at polusyon ng siyudad.
Ngunit nabulabog ang katahimikang iyon nang may tumira na sa kapapatayong bahay sa dati ay bakanteng lote na katabi ng solar nila.
Hindi niya kilala kung sino ang kanilang maingay na kapitbahay, ngunit sabi ng kaniyang kapatid ay
