"Akin na ang pera mo kung ayaw mong patayin ka namin ngayon din dito!" mariing wika ng lalaking may hawak ng kutsilyo at nakadiin sa leeg ni Christine Joy.
"Parang awa n'yo na po. Hayaan n'yo na akong makauwi. Alam kong hinihintay na ako ng mga magulang ko." Nanginginig sa takot ang dalaga pero hindi rin ibinibigay ang perang kinita niya sa pagbabantay sa batang taga kabilang barangay sa nagdaang gabi.
"Akin na sabi ang pera mo para matapos na ang usapan!" mariing wika ng lalaki.
Ramdam na ramdam ni Christine Joy ang dulo ng kutsilyo sa kaniyang leeg. Kaya naman sa takot niyang baka ibaon nito ng tuluyan sa kaniya ang kutsilyo at kahit labag sa kanyang kalooban ay kinuha niya sa kaniyang bulsa ang pera saka iniabot dito.
"Ayan na ang pera kaya parang awa n'yo na. Pakawalan na n
