TIFFANY
"Joy, okay ba itong suot ko? Ano sa tingin mo? Hindi ba mukhang OA or---"
"Pang-anim na tanong mo na sa akin 'yan, ate. Kanina ko pa sinasabi na ang ganda mo lalo ngayon. Kaya tayo laging napagkakamalan na mas matanda ako ako sa 'yo, e," ani Joy habang inaayos ang zipper ng damit niya sa likod. Spaghetti strap iyon na nude ang kulay at hanggang ibabaw ng tuhod ang haba. Sa paa niya ay black wedge sandals na may heels ng bahagya. Ang natural na kulot njyang buhok ay hinayaan niyang nakalugay ay nilagyan lamang niya ng isang simpleng clip.
"Anak, hindi mo naman kailangang mag-effort ng todo dahil may natural na ganda ka. Pero iyon ay hindi naman mahalaga. Mas mahalaga ang laman ng puso mo. At sigurado ako, sa parteng iyon ay tiyak na angat ka dahil busilak ang puso mo," singit ng
