ALAS KWATRO ng hapon nang magpaalam sila sa Mama nito. Hindi niya akalain na hanggang sa parking area ay ihahatid pa siya ng ginang habang naka-angkla sa kanyang braso.
"Babalik ka rito, hija, ha? Nag-enjoy ako na narito ka at ikatutuwa ko kung gagawin mo ulit iyon. Sana rin ay magkaroon ng pagkakataon na mag-bake tayong dalawa ulit, hija."
"Salamat po, Ma. Promise ko po sa inyo na mangyayari 'yan. Tuturuan ko po kayo nang iba pang pastries na alam ko. Nag-enjoy din po ako na ka-bonding kayo," nakangiting sabi niya.
"Hihintayin ko ang araw na iyan, hija. O, paano, hijo, mag-ingat kayo, ha? Ang pagmamaneho mo hinay-hinay lang," bilin pa ng ina nito.
"Oo naman, Ma. Maingat naman talaga akong magmaneho pero siyempre mas maingat ako ngayon. Lalo't kasama ko ang sweetheart ko."
"Mabut
