CHAPTER 44
John's P. O. V
Hawak-hawak ko ang kamay ni Myra, naglalakad kami ngayon sa mall. Hindi ako mapakali, may parte sa akin na kinakabahan ako. Although, wala naman akong dapat ika-kaba.
"Ang ganda..." rinig kong bulong ni Myra.
Tinignan ko siya, nakatingin siya sa isang maternity dress na nakasuot sa isang mannequin na naka-display sa labas ng isang store.
Tatanungin ko sana siya kung gusto niya ba ang damit na 'yon pero narinig kong tinawag ako ni Papa.
"John."
Napatingin kami ni Myra sa kaniya. Hawak-hawak niya ang kamay ng isang batang babae na ang edad ay mga nasa 9 years old. Mayroon pa itong katabing binata na mukhang nasa 16 years old na.
"Who is he, Hon?" tanong ni Criselda.
Nagkatinginan kami ni Papa. Tinuro ni Papa ang bench. Walang masyadong tao dahil pagabi na.
