HALOS isang oras din ang ginugol bago ko narating ang address na ipinadala ni Jeff. Dahan-dahang tumigil ang sinasakyan kong taxi, huminto iyon sa harapan ng mismong building kung saan may nakaparadang Ford Mustang.
Nagbayad ako at bumaba. Pagsara ko ng pinto ng taxi ay siya namang pagbukas ng pinto ng sports car. Sumikdo ang dibdib ko nang makilala ko ang driver noon. Nakatingin sa akin si Jeff. Hindi ko alam kung ngingiti o ano pero, mas pinairal ko ang kapormalan. We’re here for our business though.
Umandar na ulit ang taxi paalis. Lumapit naman si Jeff sa kinatatayuan ko. Seryoso ang mukha niya habang nakatingin sa akin.
Isang malalim na paghinga ang ginawa ko upang maikalma ang nagririgodon kong dibdib bago sinalubong si Jeff. Huminto rin agad ako dahil patuloy pa rin siya sa pag
