I DECIDED to use my lunchbreak to see a doctor. Nagpaalam akong lalabas sa mga kasamahan ko imbes na sumabay sa kanila sa pagkain. Paglabas ko ng building ay tinungo ko ang pinakamalapit na ospital.
Sa information ay tinanong ako kung sino ang doktor na kokonsultahin ko. Nang wala akong masabi dahil first time kong pumasok sa ospital nila ay tinanong na lang nila ako kung ano ang aking ipapa-check up.
“Nagiging madalas kasi ang pagkahilo ko. Medyo iritado rin ang sikmura ko lalo na sa umaga paggising kahit wala pa naman akong kinakain.”
Ngumiti ang babae sa information. Kumuha siya ng appointment slip at sinulatan iyon. Hinanapan niya ako ng ID para makuha ang pangalan ko at cellphone number. Iniabot niya sa akin ang maliit na papel pagkatapos.
“Nasa fourth floor, Ma’am ang clinic ni
