Chapter 36: Revelations
THIRD PERSON'S P.O.V
Matapos mamayapa ng lolo ni Primo ay isang linggo rin siyang naging abala sa pag-aasikaso sa burol at libing ng kanyang lolo.
Marami ang bumisita at nagbigay ng pakikiramay kila Primo dahil marami rin ang nakakakilala sa lolo niya.
At dahil sa pag-aasikaso ng burol at libing ay hindi na nagawa ni Primo na makapagpahinga ng maayos kahit na pagod na pagod na siya.
Inisip niya kasing wala namang ibang mag-aasikaso sa funeral ng lolo niya kundi siya lang. Bukod pa do'n ay iyon na lang ang naisip ni Primo na magagawa niya para sa huling sandali ng lolo niya sa mundo.
Kasalukuyang nakatayo si Primo sa loob ng columbarium kung saan niya naisip na ilagay ang abo ng lolo niya.
Mas pinili kasing ipacremate ni Primo ang lolo niya dahil nung nabubuha
