"Asawa ko, buti naman gising ka na." Masuyong boses ni Conran ang narinig ni Marikit ng imulat niya ang kanyang mga mata.
"Asawa ko! Okey ka na ba? Wala bang masakit sayo?" Tanong ulit sa kanya ni Conran, hindi pa kasi siya nagsalita. Nananatili lamang siyang nakatingin dito.
Napansin niya na nakabihis na ito ng maayos. Kanina kasi nakasuot lamang ito ng swimming trunks at mahabang sando. Ngayon nakasuot na ito ng navy blue na polo shirt at short.
Inilibot niya ang paningin sa hospital room na iyon pero walang ibang tao doon kundi silang dalawa lamang.
"Ang mga anak natin?" tanong niya sa mahal niyang asawa.
"Nasa nursery room, hihintay ka nga na magising ng nurse para dalhin sila dito sayo. Dalawang ang malulusog na sanggol na lalaki ang anak natin. Hindi natin alam na kambal
