Ilang oras din ang naging biyahe nila ni Conran patungo sa Batangas halos apat na oras din yata ang tinakbo nila dahil ayaw niya kasing mabilisan mag-drive si Conran. Natatakot siya na baka bigla na lang atakihin ito ng sakit ng ulo tapos mawala ang focus nito sa pagda-drive.
Pagdating nila sa isang sikat na resort doon minabuti nila na hindi na lamang kumuha ng silid dahil mas gusto daw ni Conran na sa tabing dagat mismo at magrent na lamang sila ng tent.
"Ang ganda ng buwan no? Sana hanggang sa pagtanda natin sabay pa rin nating mapanood ang kagandahan ng buwan na katulad nito." Wika nito habang nakatanaw sa bilog na buwan.
"Oo naman, bakit mo naman naisip na hindi natin mapapanood ng sabay sa pagtanda? Pasaway talaga ito. Syempre magkakasama pa tayo hanggang sa mag ugod-ugod na tayo
