“Nay tay hindi ko po talaga alam kung saan nagtungo si Mayumi, baka naman po alam ninyo kung nasaan sya? Baka naman po nagpaalam sa inyo bago siya umalis, parang awa ninyo na huwag ninyo po sa aking itago ang asawa ko. Alam ko po may pagkakamali po ako, kaya gusto ko pong humingi ng tawad sa kanya. Gusto ko pong maayos ang gusot naming dalawa kaya please tulungan ninyo naman po ako. Ayoko pong mawala ang asawa ko. Ayoko pong tuluyang masira ang relasyon naming dalawa.” Umiiyak na pakiusap ni Miguel sa mga magulang ni Mayumi.
Nagtungo siya sa bahay ng mga magulang nito para makiusap na ipaalam sa kanya kung nasaan ang babae. Magdamag siyang walang tulog kagabi nag-iisip kung saan niya mahahanap ang kanyang asawa.
Ngunit hindi niya matiyak kung talagang hindi alam ng mga ito kung nasaan
