“ALAM ninyo, tama na ‘yang harutan ninyong dalawa, naiinggit na ako! Single ako eh, respeto naman ng kahit konti sa akin diyan!” nagpaparinig na biro ni Bambi para awatin na kami ni Rick.
Tinigil ko na nga pangungurot kay Rick pero pumipilipit pa rin siya hawak ang tagiliran at tiyan niya na tila sakit na sakit iyon sa kurot ko at sa kahahalakhak niya. Hanggang ngayon ay ayaw pa rin tumigil sa katatawa eh, parang baliw!
‘Yon na nga, natuloy kami sa paglipat at sa pagtira sa bahay ni Rick. Sa taas yung naging kuwarto namin. He was even willing to transfer sa isang kwarto sa baba kung gusto naming ukupahin ni Bambi ang tag-iisang kuwarto pero pareho kaming tumanggi ng aking kaibigan. Masyado na kasing nakakahiya at sobra-sobra na, nakikitira na nga lang kami ng libre tapos tag-iisang kwart
