Kinabukasan, tulad ng instruksyon ni Rick, wala pang 9:00 AM ay narito na ako sa S-tech para ipresenta sa kanya ang twenty designs na sinasabi niya. Oo, hindi ko na lang talaga tinulugan para matapos kong lahat. Kape saka mga pagkain naging sandata ko kaya sa mabuting palad, natapos ko nga.
“Pwede na raw po kayong pumasok, Miss,” instruksyon sa akin ng sekretarya ni Rick matapos nitong tumawag sa landline.
I nodded and smiled. “Thanks.”
Pagkapasok ko, hindi ko inaasahang naroon din pala sa loob si Corrine. Nakaupo sa isang visitor’s chair at tila may pinagkukuwentuhan silang dalawa.
Tumikhim ako para makuha ang atensyon nila at hindi nga ako nabigo nang parehong nag-angat sila ng tingin sa akin.
As required, I smiled in a civil manner. “Good morning, Sir. Good morning, Miss Corrine.”
