MAYUMI’S POINT OF VIEW
✦
Akala ko enough na ilang pasabog sa isang araw pero hindi pala pwedeng ganoon—syempre, dahil hindi pa ako gulat na gulat sa mga kaganapan nina Adam at nang kanyang bebe na si Evan, literal yata na sinabi ng mundo na “heto pa at kulang pa ‘yan” sabay reveal na magpinsan pala sina Evan at Eos. Sabi ko na nga ba at hindi lang basta coincidence na same village sila sa pamilya ni Eos!
Matapos ang lahat-lahat at ng sapat na ang ebidensya na meron kami, tinanong ko na talaga si Adam tungkol sa pinakagusto kong malaman: “maliban sa witness ako, bakit ako?”. Sa ebidensya na meron sila ni Evan, sa katunayan nga, hindi na nila ako kailangan, so bakit nandito pa rin ako, hindi ba?
Muntik pa nga akong maiyak sa sagot nila—hindi naman daw witness ang kailangan nila, suporta;
