MAYUMI’S POINT OF VIEW
✦
Hindi ko alam kung matatawa ba ako o maiiyak kasi naaalala pa ni Ma’am Selene ang lahat-lahat ng iyon—kinuwento niya kasi ang nangyaring panic attack sa kanila noong buong akala talaga nila ay aalis na ako.
Totoong marami noong nag-o-offer na ibang “opportunities”. Sasabihin ko na lang na opportunities ang gusto nilang ibigay kahit halata naman na gusto lang nila akong kunin dahil matunog ang pangalan ng mga alaga ko.
Hindi naman sinasabi kong wala akong ambag sa mismong success ng mga alaga ko—kahit paano naman ay hindi ko idi-discredit ang effort and teamwork na meron kami—sadyang mukhang nakalimutan lang siguro nila na mas malaki pa rin na factor ang mismong kakayahan at talento ng mga alaga ko. Kumabaga, support at guide lang ako. Kahit anong galing kong ma
