Crossroads
AiTenshi
Par 10
Araw ng sabado, halfday lang ang pasok kaya nag tungo ako sa tambayang roof top kung saan naroon si Ram. Nakaupo ito at kumakain ng biscuit. Alam kong nandito siya kaya nag dala ako ng dalawang bote ng malamig na alak. Tiyak na mapapanis ang laway ko sa kanya dahil madalang itong mag salita. Mainam na yung may dala akong kahit ano para hindi manuyo ang lalamunan ko sa pakikinig ng nakabibinging katahimikan.
"Salamat." ang tugon niya noong inabot ko ang malamig na bote ng alak. Natawa ako dahil ang kinakain niya ay skyflakes na nakalagay sa plastic na box na animo pasyente sa ospital. "Yaan mo next time yung assorted ng M.Y son ang bibilin ko para may lasa naman." ang tugon ko naman habang mag katabi kaming nag mimiryenda.
Tahimik..
"Wala ka bang kaibigan o
