Crossroads
AiTenshi
Part 53
Ramdam na ramdam ko ang pag tama ng mainit na bala sa aking katawan. At sinabayan pa ito ng mala demonyong tawa at halakhak ng kaaway. Habang nasa ganoong posisyon ako ay nagawa ko pang itaas ang aking kamay at makipag sabayan ng putok sa kanya. Tinamaan ko ito sa balikat at sa tiyan ng dalawang beses at dito ay nabuwal rin siya sa damuhan.
Hindi ko maipaliwanag ang bilis ng pang yayari, wala pang ilang minuto pero heto pareho na kaming naka bulagta sa lupa, kapwa naka tingin sa malamlam na kalangitan, ang ulap ay makapal at paunti unting kinakain ang mga bituin. Wari'y nag babadya ang malakas na ulan.
Walang ingay sa paligid..
Pansamantalang katahimikan ang lumukob sa buong paligid. Mas masakit pa ito sa tainga dahil naririnig ko ang malakas na kalabog ng
