DAHIL paparating na ang kaniyang mga anak, excited na nag-bake ng mga cookies si Kristen at nagluto na rin ng mga pagkain na paborito ng kambal.
Pasado alas singko na ng hapon nang dumating ang kaniyang kambal na anak kasama ang ama ng mga ito na si Cadmus.
“Mommy!” sabay na pagtawag ng kambal pagkakita sa kaniya at namilog agad ang mga mata.
“My babies!” Agad naman niyang sinalubong ang mga ito nang mahigpit na yakap. Nagyakapan silang mag-ina na parang taon nang hindi nagkita.
Hindi na mapigilan ni Kristen ang maiyak sa saya nang sa wakas ay mayakap na muli ang kaniyang mga anak. Naging emosyonal na siya sa labis na saya.
“Mommy, we've missed you so much po!” wika ng kambal nang yakap na siya.
“Na-miss din kayo ni Mommy mga baby ko!” she sobbed, hugging her daughters tightly.
Ila
