PARANG nanghihina si Kristen nang umuwi na sa mansyon, wala pa si Cedric pagdating niya pero ang mga kambal ay nakauwi na mula sa school. Pinaasikaso niya lang mga ito sa kanilang nanny, at siya naman ay pumasok na sa kuwarto, diretsong nahiga sa kama; pinilit niyang makatulog kahit saglit para sandaling makalimutan ang kaniyang mga narinig at nakita kanina sa restaurant. Hindi siya makapaniwala na gano'n ang maririnig niya, at hindi niya matanggap.
Kaya naman hindi na niya mapigilan ang tahimik na naman maiyak habang nakahiga sa kama. Hanggang sa tuluyan na rin niyang nakatulugan ang pag-iyak.
Nagising siya sa marahan na paghaplos sa kaniyang ulo. Pagmulat niya ng mata ay si Cedric agad ang bumungad sa kaniya na pinagmamasdan siya.
“Good evening,” he greeted her with a warm smile, but
