HINDI na makatrabaho nang maayos si Aliya dahil sa paglukob ng kirot sa kaniyang puso. Ayaw pang mag-move-on ng puso niya sa natuklasan tungkol sa mommy ni Alejandro. Naintindihan na niya bakit biglang naging matigas ang puso ni Alejanro, kaya hindi na niya ito pupuwersahing ibalik sa dati. Dadamayan niya ito, gagabayan kung paano unti-unting maka-recover sa kabiguan.
“Alejandro’s experience with his mother has traumatized him. I understand now why he doesn’t want someone involved in his life,” sabi ni Chase.
Lumipat na sila sa lobby at doon pinagtulungan na mabalatan ang mga mais na hilaw. Ihahalo kasi ito ni Alejandro sa soup na may buto ng baka.
“Hindi biro ang hirap at sakit na dinanas ni Ale. Hindi ko ma-imagine kung paano siya nabuhay ng ilang taon na walang nakikiramay sa kanya,”
