NAGKUNWARING tulog si Aliya habang nakayuko at nakasubsob ang mukha sa sulok ng pinto. Kinalabit siya ni Alejandro pero hindi siya kumibo.
“Aliya,” tawag nito sa kaniya.
Hindi pa rin siya kumilos. Mabuti ibang pangalan ang nasabi niya noon kay Enel nang mahuli siya na nag-e-ispiya sa headquarters ng daddy ni Alejandro at sa isang bar na pag-aari rin ng mga ito sa Mactan. Nagpanggap kasi siyang waitress doon, at isa si Enel sa nagmu-monitor ng negosyo. Hindi naman siya sinumbong ng lalaki at hinayaan siyang makaalis matapos siyang balaan.
Dahilan kasi niya ay napilitan lang siya sa trabaho kapalit ng buhay ng nanay niya na hawak ni Mr. R. Pamilyar umano kay Enel ang code name na Mr. R pero hindi sinabi sa kaniya ang pangalan ng hinihinalaang tao dahil hindi pa naman ito sigurado. Nag-as
