KOMPORTABLE na ang higa ni Aliya sa bago niyang kama. Nang maayos na ito ni Alejandro ay sinubukan niyang lundagan. Medyo manipis ang foam kaya ramdam ang bakal na papag nito.
“Huwag mong lundagan!” sita sa kaniya ni Alejandro.
“Para sure na hindi na bibigay. Subukan mong alugin, Ale,” aniya. Bumaba siya ng kama.
“You’re insane, Aliya!” Tumalikod na ito.
“Baka kasi matanggal ang mga paa nitong kama.”
“May bolts ‘yan. Hindi ako kukuha ng mahinang klase na kama.”
“Sure ka, ah. Kung sa bagay, ikaw lang din sisira nito at bibili ng bago.” Tumawa siya.
“Silly. Magsaing ka na!” Utos nito bago lumisan.
Hinabol niya ito ng tingin. Nang mawala sa paningin niya ang binata ay muli siyang humiga ng kama. Hindi na niya masyadong ramdam ang pananakit ng katawan dahil nakapag-work out siya, nabat
