Mabilis na lumipas ang mga araw at naging maayos naman na ang pagsasama nila ni Garreth. Hindi na rin sila nagkaroon pa ng ano mang pag-aaway tungkol kay Rico. Wala na rin siyang balita pa kay Rico, dahil na kay Garreth na ang cellphone niya, kaya hindi na siya matawagan pa ni Rico. At sana magtuluy-tuloy na.
"Tawagan mo ko agad pag hindi pa nawala iyang sakit ng ulo mo ah, Annika," bilin sa kanya ni Garreth nang ihatid ito sa labas. May pasok kasi ito sa opisina. At siya naman eh kaninang pag gising niya masama na ang pakiramdam niya. Kaya hindi nga siya nakapaghanda ng breakfast para kay Garreth. Para ayaw kasi niyang makaamoy ng ano mang niluluto.
"Yeah, tatawagan kita agad," tugon naman niya. Niyakap at hinalikan pa siya ni Garreth.
"Pumasok ka na at magpahinga muna,' sabi pa sa kan
