"Huwag ka ng mahiya Annika, buhatin mo na iyan at iuwi sa inyo, sayang naman kung hahayaan mo lang malanta ang mga iyan diyan," sabi ng isang ka opisina niya habang titig na titig siya sa magagandang bulaklak.
Nanghihinayang siya sa magandang bulaklak, pero naiinis siya sa taong nagbigay ng mga iyon.
Kanina muntik na siyang mahalikan ni Garreth sa labi. Buti na lang at nakaiwas siya, kundi ngayon palang nagkakasala na siya kay Rico. Nakonsensya nga siya kanina paglabas ng opisina ni Garreth kaya tinawagan niya agad si Rico para lambingin ang nobyo.
Marami man hindi naibibigay at nagagawa para sa kanya si Rico, mahal naman niya ito at masaya siya sa piling nito. Hindi niya hinahanap ang mga bagay na alam niyang hindi pa kayang ibigay ni Rico sa kanya. Ganoon naman yata pag mahal mo ang
