Point of view
- Mikaela Sandoval -
Nang mabasa ko ang mensahe ni Lenard na nakita niya raw si Patty na nakatayo sa isang tulay, doon palang ay alam na alam ko na kung ano ang bagay na binabalak niyang gawin.
Hindi maaari. Kahit hindi kami magkasundo ng babaeng iyon, hindi ko hahayaan na wakasan niya ang kanyang buhay nang ganoon lang. Hindi kakayanin ng aking isip.
Sa patuloy kong pagmamaneho, bumuhos ang malakas na ulan na tila sinadya kasabay ng emosyon na aking nararamdaman. Hanggang sa maya-maya lang nakarating na ako sa lugar na sinabi ni Lenard.
Nakita ko si Lenard na nakatayo sa tabi ni Patty, habang si Patty naman ay tiklop ang katawang nakaupo sa kalsada.
Agad akong nagparada at kumuha ng payong, saka nagtungo sa kinaroroonan ng dalawa.
"Patty, ayos ka lang ba?" nag-aalala
