Point of view
- Mikaela Sandoval -
Sa paglipas ng dalawang araw, tuluyan na akong hindi umuwi sa mansion. Sa utos ni mommy, nanatili ako sa condo ni Lenard at patuloy na umiwas sa mga tao. Hindi ko mahanap sa aking sarili ang lakas ng loob na maaari kong iharap sa kanila. Natatakot ako na muling magusgahan at kasuklaman ng mga taong nasa aking paligid.
Minungkahi pa sa akin ni mommy na kasuhan ang mga taong nangbato sa akin ng kamatis. At ang media na patuloy na bumabatikos sa akin, ngunit tila hindi ko kaya. Ayoko na ng gulo, nais ko na lang manahimik.
Oo, duwag ako. Ganito ako kaduwag.
Mariin kong niyakap ang aking tuhod palapit sa aking dibdib, saka pilit na siniksik ang aking ulo sa pagyuko.
Kasalukuyan akong nasa salas at nakaupo sa sofa ni Lenard. Nanonood ako ng balita sa tele
