Marahan na dinama ni Alexa ang kanyang mga labi gamit ang kanyang mga daliri. Nakaharap siya sa lababo habang natutulala na lamang sa kakaisip sa mga nangyari.
Hindi niya maipaliwanag ang kanyang nadarama. Nang halikan siya ni Luis sa kanyang mga labi ay mistula siyang naipako na sa kanyang kinatatayuan. Hindi siya nakagalaw dahil sa labis na pagkabigla.
He was kissing her thoroughly. Damang-dama niya ang intensidad sa mga halik na iginagawad nito sa kanya. At gusto niyang makadama ng hiya, partikular para sa kanyang sarili, dahil sa unti-unti ay nagkaroon sa kanya ng kagustuhan na magpadala sa paghalik na ginagawa nito.
Ngunit bago pa man niya magawang tumugon sa mga halik ni Luis ay agad na siya nitong binitawan. Bahagya nitong inilayo ang mukha mula sa kanya at mataman na lamang na t
