AMIRA
Anong nangyayari? Bakit iniiwasan ata ako ng mga buang? "Excuse me? Saan kayo kumuha niyang name plate?" magalang kong tanong doon sa taga-kabilang section.
Naghintay ako ng ilang segundo. Ilang beses akong napakurap, dahil nganga. Hindi ako nito binalingan ng tingin o kahit sulyap lang. Umakto ito na parang walang narinig tapos dumire-diretso sa paglalakad.
Aba naman! Problema ng mga ito?
"Hello, saan niyo--"
Halos mapamura na ako sa inis dahil sinubukan ko ulit magtanong pero gano'n din, dinedma rin ako! Sa sobrang kulo ng dugo ko, kinuha ko 'yong upuan at ibinalibag ko sa sahig. Noong ginawa ko 'yon, doon pa lang nila ako tiningan.
"Ano bang problema niya, ha? Nagtatanong ako. Maayos naman 'yong tanong ko, 'yong tono ko, pero bakit binabastos niyo ako ng ganito? Ano ako? Ha
