AMIRA
"Wala na ba akong nakalimutan? Sure ka? 'Yong passport?" Bago kami lumabas ng bahay, sinigurado kong kumpleto na ang bitbit namin. Mahirap nang pabalik-balik, napakalayo pa naman ng airport mula sa bahay.
Kailangan kong pumunta ng Paris para sa isang mahalagang bagay. Nagpupumilit mang sumama itong asawa ko, hindi pwede dahil kailangan niya ring tutukan ang St. Augustus. Muli na itong nagbukas sa publiko at nakakatuwa dahil marami ang nag-enroll. Ang itinuring namin noong purgatoryong kulungan, paraiso na para sa mga baguhan.
"May naiwan ka," seryosong wika ni Phobos. Kumunot ang noo ko, sinusubukang alamin kung ano ang sinasabi niya.
"Ano?" tanong ko dahil wala akong maisip na bagay na nakalimutan.
Lumapit ito sa akin, kuyom ang isang kamao. Akala ko naroroon ang sinasabi niyan
