AMIRA
Maaliwalas na paligid ang sumalubong sa akin pagkalabas ko ng Hospital. Akala ko matatapos na ang buhay ko, ngunit mukhang totoo ang kasabihan na ang masamang damo ay matagal mamatay.
Ito na ang pangalawang beses na napagtagumpayan ko ang kamatayan, at kung may natutunan man ako sa mahaba kong paglalakbay, iyon ay ang sulitin ang bawat segundong kasama ang mga mahal sa buhay. Hindi natin alam kung kailan lilitaw sa ating harap ang karit ng kamatayan. Kaya kung ayaw mong tumiklop ang iyong mga mata ng may pagsisisi, ipakita mo sa mga tao sa paligid mo na mahal mo sila't importante sila sa iyo.
"Zchick, ikaw na muna ang magbantay kay Amira, ha? Kailangan lang naming puntahan si Joshua sa Underground," wika ni mom. Speaking of demonyong Joshua, ano na kayang nangyari sa kaluluwa ni
