Napasabunot si Kokoy sa kaniyang mga buhok dahil sa pagkadismaya at hindi na rin maintindihan kung paano ito magpapaliwanag sa akin.
Napahilamos siya sa kaniyang mukha bago tumugon at humihingi ng pagkakataon na pakinggan ako.
"Hindi mo ako naiintindihan, Teria. Nag-usap na kami ni Rose at hindi ko inaasahan na mangyayari ito. Kaya wala akong dapat na aminin sa 'yo dahil wala akong kasalanan! Hindi ako gumawa ng pagkakamali sa relasyon natin."
"Sino ang niloko mo, Koy? Katwiran mo na lang 'yan! Dapat sinabi mo pa rin sa akin kahit nakaraan pa 'yan. Kahit naman ibala kita ngayon sa kanyon ay hindi ka talaga aamin!" malakas kong singhal at ang mga tao sa lugar nila ay nakadungaw na rin sa bintana para makiusyuso sa amin.
Sa lakas ba naman ng mga boses namin ay imposibleng walang makaka
