Mhaan
Kaagad kong binuksan ang drawer ng table sa tabi ng kama at dinukot mula doon ang ultrasound ni baby noong magpunta kami ni ninong sa doctor. Isa itong transvaginal ultrasound upang makasiguro ang mga doctor na talagang buntis nga ako sa kabila ng kalagayan kong ito.
Isang himala na maayos naman si baby sa loob ng sinapupunan ko. Hindi siya naapektuhan nang nangyaring aksidente sa akin. Napakalakas ng kapit niya.
Kaagad ko itong ipinakita kay Derrek na hanggang ngayon ay bakas pa rin ang gulat sa hitsura niya.
"Ito, tingnan mo. H-Hindi ko rin akalain na mabubuo kaagad siya sa isang beses lang, eh. May suspetsa ang mga doctor na dahil sa pagbubuntis ko kaya nakakaramdam ako palagi nang pagkahilo at pananakit ng ulo. Palagi na rin ako ngayong nagsusuka at may mga pagkain na rin ako
