Mhaan
Upang hindi ako mainip sa maghapong paghihintay kay Derrek ay muli ko na lamang inabala ang sarili ko sa pagsusulat.
Mas naging ganado pa ako ngayong araw na ito kahit may panghihina akong nararamdaman at maya't mayang humihilab ang sikmura ko.
Nakatapos ako ng five thousand word count in just five hours.
Napangiti ako matapos ko ang mga itong mai-publish. Iniunat ko ang aking mga kamay nang makaramdam ako nang bahagyang pangangalay. Alas kuwatro na ng hapon at may time pa akong magpahinga bago maligo. Siguradong maya-maya lang ay naririyan na si Derrek.
Excited na akong makita siya at maibalita sa kanya ang tungkol sa baby namin.
"Excited ka na ba, anak?" Hindi ko mapigilang haplusin ang tiyan ko. "Excited na rin si mama!"
Hindi ko na naman mapigilan ang kiligin. Tumayo na
