"P-pasensya ka na, Alessa kung muntik man kayong mag-away ng asawa mo dahil sa kagagawan ko," hingi ng paumahin ni Allen sa akin habang pinaglalaruan ang hawak niyang payong. Kinompronta ko siya pagkatapos makalma ang mga damdamin namin ni Blue. Humingi ako kay Blue ng saglit na oras para makausap si Allen at alamin ang dahilan kung bakit niya nagawang galitin si Blue at palabasin na magkatabi kami sa pagtulog.
"I see this an opportunity to have you…a-alam mo kasi, matagal na akong in love sa iyo, but unfortunately, you didn't see me as lover. Best friend at kababata lang ang tingin mo sa akin kaya hindi ako magkaroon ng pagkakataon para masabi sa iyo ang nararamdaman ko," malungkot na turan ng kababata ko. I saw his face turn red. Tila hiyang-hiya siya na aminin sa akin ang lahat ng ito.
