NAISIP kong kaya tatlo na ito ay dahil naiinip na siguro siya sa reply ko. Ito na nga rin siguro ang mga huling sulat na babasahin ko galing sa kanya. Binasa ko ang unang sulat niya at medyo napangiti ako sa mga nilalaman noon subalit nang mabasa ko ang ikalawa niyang sulat ay biglang napalitan ito ng kalungkutan.
Ito ang laman ng ikalawang sulat niya...
Dear Mr. Keep Smiling:
Haizt?! Kahit na wala ako sa mood na sumulat ngayon ay ginawa ko pa rin ito. Busy ka ba, kaya hindi ka nagreply sa isa kong sulat? Ang tagal kong naghihintay sa una mong reply kaya eto at gumawa uli ako. Haizt talaga!
Alam mo kasi, malungkot ako ngayon. Umaasa ako na magrereply ka na. Di ba ikaw si Mr. Keep Smiling? Kaya sana ay magawa mo akong mapangiti. Ang totoo kasi, hindi ko alam... hindi ako sigurado kung m
