NAPANGITI ako sa narinig kong iyon mula kina Lebron. Hindi ko inaasahang gagawin ni Lorraine iyon. Hindi ako makapaniwalang gagawin niya iyon sa isang kagaya ko.
"Maya-maya lang pare ay nandito na rin iyon," dagdag pa ni Dwyane.
Mga ilang minuto ang lumipas at biglang bumukas ang pinto ng kwartong kinalalagyan namin.
"M-mellard..."
Dumating na siya at agad niya akong niyakap.
"S-sorry... Napahimbing ako ng tulog kanina. Hindi tuloy kita naipagtanggol nang mas maaga... S-sorry talaga..."
Mangiyak-ngiyak pa siya habang sinasabi iyon. Napatingin pa ako sa mga kaibigan namin at sobra ang ngiti nila sa aming dalawa. Napa-aray nga lang ako dahil sa higpit ng yakap ni Lorraine sa akin. Napatawa tuloy sila.
"S-sorry!" ani Lorraine.
Agad namang kumalas si Lorraine sa pagkakayakap niya sa ak
