KINABUKASAN, ikin'wento ko na ang buong nangyari sa amin ni Monica kina Lebron. Nakakalungkot man, pero siguro ay dapat ko na ring tanggapin... Ang anumang bagay na madaling nakuha ay madali ring mawawala.
"Akala pa naman namin ay okay iyang si Monica. Yaan mo pare, hindi lang siya ang babae sa mundo. Marami pa naman diyang iba," payo ni Chris sa akin.
"Kung gusto mo pare, ihanap ka namin ng bago eh?" banat naman ni Lebron.
"Kita mo ito, nakuha pang magbiro eh! Nasaktan na nga tropa natin , tapos gan'yan ka pa!" tugon naman ni Dwyane kay Lebron.
"Ayos lang ako mga pare. Salamat sa inyo... Medyo okay na naman ako," pahayag ko.
Habang naglalakad-lakad kami nina Lebron ay bigla na lang naming nakasalubong si Monica na kasama ang isang lalaki. Ito ay iyong tinutukoy ng kaibigan niya sa ak
