ISANG linggo ang nakakalipas nang mag-usap kami ni daddy about sa plano nilang ipakilala ako at sa 2nd birthday ni Kade iyon, isasabay na. Pumayag din naman kasi si Mister Kenta na pagsabayin dahil sa mismong araw rin na iyon ay kaarawan ni Kade. Almost one month na rin kaming naka-stay rito sa Manila.
“Ate Anna, sobrang yaman mo po pala talaga, ano? Pero, bakit dito pa rin po kayo nakatira sa hotel? Hindi po ba kayo lilipat?” pagtatanong ni Mark sa akin.
Pinapunta ko sina tiya Rosing and Mark sa hotel na tinutuluyan namin para sabihin ang tungkol na magaganap sa party next week. Pupunta kami ngayon sa isang boutique para magpasukat kaya isasama ko na sila.
“Mas gusto ko rito para hindi magulat si Kade, Mark. Saka, comfortable naman kami rito,” nakangiting sabi ko sa kanya.
Tumango siy
