NANG mahimasmasan ako ay lumabas na rin ako sa restroom at lumakad diretso sa office table ko. Napatingin ako sa may pinto ng office door ni Mister Kenta at mukhang walang tao roon.
Hindi yata ulit siya papasok ngayong araw.
Hindi ko na lamang siya inintindi at ginawa na itong work ko. Kailangan ko pang ibigay ito mamaya sa kanya sa mansion para tignan niya.
Lumipas ang oras pero ang trabaho ko ay hindi ko pa nakakalahati. Pasulpot-sulpot kasi sa isipan ko ang narinig ko kanina.
“Ex-fiance ni Mister Caddel si Miss Astrid!”
Napapikit ako nang maisip ko na naman iyon. Napasandal ako sa swivel chair ko at tumingin sa may laptop. Email na lamang ang aking inaasikaso ngayon. At, sa papeles ay tapos na akong gawin.
“Need ko munang mag-break ngayon! Bababa na muna ako sa cafeteria para
