“Anna! Mabuti naman naisipan niyong dito makiupo sa table namin!” malakas na sabi ni Kesha nang makarating kami rito sa table nila.
Nasa iisang table kaming tatlo at sila Mister Kenta naman ay nasa kabilang table. “Iyon talaga ang plano namin. Na makiki-table kami sa inyo para hindi ako kabahan!” sagot ko kay Kesha kaya niyakap niya akong mahigpit.
“Same tayo, Anna! Nakakakaba kaya kapag ganito ang mga kaharap mo, ʼdi ba? So, I feel you, Anna!” malakas niyang sabi at tinapik-tapik pa niya ang aking balikat.
Ang bubbly talaga kahit kailan ni Kesha.
Nag-umpisa na ang business party ngayong gabi. Kaya ang emcee sa may stage ay pina-akyat sina grandpa Kendrick and Mister Kenta pero hetong si Mister Kenta ay sinama ako paakyat. Aayaw sana ako pero pinilit niya ako kaya no choice na ako.
