“Sinasabi ko naman sa’yo, apo na ‘wag ka nang sumasama kapag pumapalaot ako. Ang tigas talaga n’yang ulo mong bata ka.” Napapailing na lamang si mang Danny dahil sa katigasan ng ulo ng nag-iisang apo na si Anton.
Maagang namatay ang nag-iisang anak ni mang Danny kaya sa pangangalaga niya napunta ang anak nito. Maliit pa lamang ang apo niya nang aksidenteng naputukan ng baril ang anak niyang si Lando. Ang ina naman ni Anton ay namatay sa panganganak. Naawa siya sa apo dahil maagang naulila kaya kahit medyo makulit ay palaging pinagbibigyan ni mang Danny ang mga hiling nito, gaya na lamang ng pagsama nito sa kan’ya sa laot.
“E, gusto ko ngang matutong mangisda, ‘tay. Paano ako matututo kung hindi ako sumasama sa’yo sa laot?” Nakanguso ito at tila nagpapaawa pa sa lolo.
Gustong-gusto
